ПРВА Инвестиција е животно осигурување поврзано со инвестициски фондови, кое ти овозможува истовремено да обезбедиш финансиска заштита за своите најблиски и да вложуваш во својата финансиска иднина.
Дел од премијата се инвестира во избрани инвестициски фондови, а вредноста на твојата инвестиција зависи од движењето на вредноста на фондот. Тоа значи дека имаш можност за остварување принос, но и дека ја преземаш одговорноста за инвестицискиот ризик.
Составен дел на осигурувањето е и покритието во случај на смрт, со гарантирана осигурена сума.
КАКО ФУНКЦИОНИРА ПРВА ИНВЕСТИЦИЈА?
Со ова осигурување, дел од средствата што ги издвојуваш се насочуваат кон инвестирање во избран инвестициски фонд. Вредноста на твоето инвестициско портфолио се менува во зависност од движењата на пазарот и вредноста на инвестициските единици.
Важно е да знаеш дека приносот не е однапред гарантиран. Вредноста на инвестицијата може да расте, но и да опаѓа, а при предвремено раскинување на осигурувањето исплатата зависи од вредноста на средствата на инвестициската сметка во тој момент.
КОИ СЕ ПРИДОБИВКИТЕ?
- Животно осигурување: Финансиска заштита за твоите најблиски во случај на твоја смрт.
- Можност за инвестирање: Дел од премијата се вложува во инвестициски фондови.
- Избор на инвестициски фонд: Можеш да избереш фонд од понудените можности.
- Дополнителни уплати: Имаш можност да вложуваш дополнителни средства во текот на осигурувањето.
- Флексибилност: Можеш да го промениш избраниот инвестициски фонд за време на траењето на осигурувањето.